استفسار للي عنده خبرة

استفساري ها المرة

عن قرية قريبة مني كل ما اهاجمها يبقى بعض الجنود عنده اسرى

اول شئ اسر من جنودي 2 فقمت انا واسوي له هجمة شاملة

اسر بعد كذا سبعة من مجموع 30 جندي ارسلتهم عليه

طلع لي خيار قتل (المأسور)

مدري اقتلهم ولا وش اسوي

اللي انا ناويه اطور جيشي واهجم عليه بعد حوالي يومين

ارجو الافادة ودمتم

اخوي

هو مسوي فخاخ.. انتبه منها ...

صراحه انا ليست عندي الفكره الكامله لاكن ان شاء الله الاخوه يفيدونك.

تحياتي لك..

تجسست على دفاعاته وتحصيناته مالقيت عنده غير سور حق اغريق مستوى اول

الله العالم..

ان شاء الله يدخل احد الاخوه يا العقيد او اي احد يفيدك ..

هلابك اخوي النايف

اذا هجمت على قرية اغريق لا ترسل الا هجوم كامل انتبه لا ترسل هجوم للنهب لان اذا كان مسوي افخاخ وكان الهجوم للنهب

راح ياخذ جنودك اسرى عنده ولاتخاف مراح يسويلهم شي ماعنده خيار الا اطلاق وانت عندك خيار قتل الاسرى

اذا قتلتهم راح تخرب 33 بالميه من الافخاخ حقتة وراح يضطر يسويها من جديد

اما اذا اطلقهم هو راح يصلحون له 50 بالمية من الاافخاخ مجانا

عشان كذا لا ترسل الا هجوم كامل لان لو صار واخذ اسرى باقي جنودك راح يحررون اللى بالاسر تلقائيا

بشرط ان يكون عدد الجنود اكثر من عدد الافخاخ طبعا

واي استفسار انا حاضر

يعطيك ربي الف عافيه اخوي.. العقيـ ـد

صراااحه انا استفدت كثييييييير


واكيد اخوي النايف استفااااااااد

بارك الله فيك اخوي العقيد

..

تحياتي

انا اخرت ردي الين اجيب العلم وش صار معي

اول شئ يعطيك الف عافية اخوي العقيد (الكبييييييييييييييييييييييير)

تم تحرير 9 واحدات بالاضافة الى شوي موارد اللي يبي يشوفها يشيك على الهجمات العلم هناك

يسلمووووووووو يا العقيد

ومشكور اخوي الفناتير على التوجيه الرائع والمرور الكريم هذا

الصراحه انا استفدت من الموضوع

طيب سؤالي الحين هل اقدر اخرب او ادمر هاالافخاخ ؟؟

ومشكور مقدماً ومؤخراً

السلام عليكم

كيفكم جميعا ان شاء الله بخير

بصراحه اشكر من عمل هذا المجهود الكبير في افتتاح المنتدى

واشكر قائد هذه الحلف الله يطول عمره
صراحه مجتهد ويتابع اول باول
غيره من الروساء شايف نفسه ولا يعطي وجه ولا يخش المنتدى الا كل شهر او اكثر



صراحه انه رمز من رموز ترافيان ولا يهونون الباقين وصراحه ودي اذكر اسماء مثل اللص والنايف وصابر بس اخاف انسى احد